नेपाल डायरी १२:००

आजको कान्तिपुर पढनु भयो । अस्ति हिमाल खबर् ले अदालत मा घुश को खबर अडियो समेत छापेको थियो । आज फेरी कान्तिपुर् ले फेला पारेछ, अर्को घुस माग्दै गरेको सी डी ।
साथी उमेस ले भनेजस्तो अरु देश मा भए प्रमाण सहित को यो मुद्दाले ठुलै हलचल ल्याउने थियो होला । तर नेपाल मा भने साच्चै छाया मा परेको छ यत्रो भष्ट्राचार को कुरा ।

समाचार यस्तो छ ।

काठमाडौं महानगरपालिका- १५ का २८ बर्षिय शाक्यले आफ्ना जग्गासम्बन्धी दुई मुद्दाहरूको सिलसिलामा भएका कुराकानीलाई सीडीमा रेकर्डिङ गरेका छन् । यो सीडी प्रधानन्यायाधीश दिलीपकुमार पौडेललाई पहिल्यै दिइसकिएको छ । उनी केही दिनयता उक्त विवादमा तानिएका छन् ।

शाक्यले आफ्ना बाबुलाई जग्गासम्बन्धी मुद्दामा न्याय प्राप्त नभएपछि अदातलमा व्याप्त भ्रष्टाचारलाई सार्वजनिक गर्न सीडीमा रेकर्डिङका लागि बाध्य भएको बताए ।

यहाँ उनीहरूबीच भएका वार्तालापका सम्पादित अंश प्रस्तुत गरिएको छ-

कुराकानी एक

राजेश – हेलो..हेलो

वैकुण्ठ – हेलो ।

राजेश – वैकुण्ठ सर हो ?

वैकुण्ठ – हो ।

राजेश – नमस्कार सर । म भाइराजा शाक्यका छोरा बोल्दैछु हजुर ।

वैकुण्ठ – ए भन्नु भन्नु ।

राजेश – खै हिजो पनि साधारण तारिख दिनुभयो तपाईंले ।

वैकुण्ठ – हो ।

राजेश – किन होला सर ।

वैकुण्ठ – किन? बाले भन्नुभएन?

राजेश – होइन, उनीहरूको तामेली राम्ररी भइसकेको छ त ?

वैकुण्ठ – तपाइं अफिसमा आउनु न म फाइल राम्ररी देखाइदिन्छु ।

राजेश – अस्ति फेरि मनिराजले पनि तारिख गुजारेको थियो ।

वैकुण्ठ – कहाँ गुजार्नु ? हाम्रो त्यो दिन न्यायाधीशहरूको बिदाइ थियो क्या । महेन्द्र उपरजिस्ट्रार भन्ने हुनुहुन्थ्यो । उसको बिदाइ थियो । हामी माथि गएका थियौं । ऊ आएको थियो । मैले भोलि आउनु भने र हिजो तारिख देर पठाइदिएँ । बिदाइ थियो । तपाईंले त्यो राम सिंह सुब्बालाई सोध्नु न ।

राजेश – म्याद त राम्ररी तामेल भएको थियो ।

वैकुण्ठ – यहाँ अफिसमा आउनु न म सबै कुरा कसरी फोनमा बताउनु ? मेरो घाँटी पनि दुखिराखेको छ । अफिसमा आउनु न ।

राजेश – हवस् सर ।

+++++++++++++++++++++++++++++++++++++++++++++++++++++
राजेश – भोलि एक लाख लिएर आउने हो ?

राम – हो, त्यति नै एक लग्यो भनेचाहिँ हामीलाई पछिचाहिँ विस्तारै कुरा गरेर मिलाउन सजिलो हुन्छ ।

राजेश – मैलेचाहिँ आजको त भइहाल्यो, त्यसैले असी हजारमात्र ल्याउँ कि भनेर विचार गरेको ।

राम – असीमात्र ल्याउने विचार गरेको ? कि नब्बे ल्याउने त ? हुन्न ?

राजेश – नब्बे लिएर आउने ?

राम – अँ… असी हजार यहाँ राखौंला, दस हजार यताउता दौडन चाहिहाल्छ नि !

राजेश – हुन्छ ।

बाकी समाचार पढ्न यहा क्लिक गर्नुहोस